«ԵՐԵՎԱՆԻ ԱՊՐԱՆՔԱՅԻՆ ԲՈՐՍԱ» ՍՊԸ-ի օնլայն սակարկությունների հարթակում՝ auctiononline.am, 14․09.2026թ.-ից յուրաքանչյուր աշխատանքային օր, ժամը 12:00-14։00, իրականացվելու է «Տելեկոմ Արմենիա» ԲԲԸ-ի կողմից ներկայացված՝ նախկինում շահագործված, հետագա շահագործման համար ոչ պիտանի 204 հատ տարբեր տեսակի թթվային մարտկոցների աճուրդային վաճառքը՝ որպես մեկ միասնական համալիր։ Մեկնարկային գինը՝ 2 743 500 ՀՀ դրամ։

Ձեռք բերողը/գնորդը պետք է ՀՀ օրենսդրությամբ սահմանված կարգով ունենա մարտկոցների, որպես վտանգավոր թափոնների հավաքման, պահման, փոխադրման, վնասազերծման, մշակման կամ վերամշակման համար անհրաժեշտ լիցենզիա, որը տրամադրվել է ՀՀ Շրջակա միջավայրի նախարարության կողմից։

Վաճառքի պարագայում գնորդն իր ուժերով և իր հաշվին է կազմակերպում ապրանքների ստացումը վաճառողի կողմից նշված հասցեից։ Ապրանքները գտնվում են ք․ Երևան, Այվազովսկի 4 հասցեում։

Մանրամասն տեղեկությունների, ինչպես նաև ամբողջական ցանկին ծանոթանալու համար կարող եք այցելել www.borsa.am կայքի «վաճառվող լոտեր» բաժին կամ զանգահարել (011/091) 526185 հեռախոսահամարով: